لاہور( پاک ترک نیوز) سائوتھ افریقہ کی کرکٹ ٹیم چار سال سے زائد عرصے بعد پاکستان میں ٹیسٹ میچز کھیلے گی ، تمام فارمیٹس کی سیریز کا مجوزہ شیڈول سامنے آ گیا۔
سائوتھ افریقن ٹیم کا پاکستان میں ایک ماہ قیام کے قیام کا امکان ہے ، کرکٹ جنوبی افریقہ ٹیم کا دورہ پاکستان مختصر رکھنا چاہتی ہے۔
پاکستان کرکٹ بورڈ نے جنوبی افریقہ کے دورے کیلئے تمام فارمیٹس کی سیریز کیلئے مختلف تاریخوں کی تجویز دے دی ہے۔
پہلا ٹیسٹ میچ 12 اور دوسرا 20 اکتوبر جبکہ 3 ون ڈے میچز کی سیریز اکتوبر کے آخری ہفتے سے کرانے کی تجویز دی گئی ہے ، اس کے علاوہ 3 ٹی ٹوئنٹی میچز پر مشتمل سیریز کا آغاز نومبر کے پہلے ہفتے سے ہو سکتا ہے۔
ٹیسٹ میچز کیلئے لاہور اور راولپنڈی کی وینیوز پر غور کیا جا رہا ہے ، دونوں بورڈز میں بات چیت کے بعد ہی شیڈول کی منظوری دی جائے گی، تاریخوں اور وینیوز میں ردوبدل بھی ممکن ہے۔
سائوتھ افریقہ 4 برس بعد پاکستان میں ٹیسٹ میچز کھیلے گی
