سونے اور چاندی کی قیمت میں بڑا اضافہ

کراچی (پاک ترک نیوز )پاکستان میں سونے اور چاندی کی قیمتوں میں ایک بار پھر بڑا اضافہ ریکارڈ کیا گیا

ایک تولہ سونا 5 ہزار 100 روپے مہنگا ہونے کے بعد 4 لاکھ 54 ہزار 336 روپے تک پہنچ گیا ہے، جبکہ 10 گرام سونے کی قیمت 4 ہزار 372 روپے اضافے کے بعد 3 لاکھ 89 ہزار 519 روپے ہو گئی ۔

عالمی مارکیٹ میں بھی سونے کی قیمت 51 ڈالر اضافے کے ساتھ 4 ہزار 319 ڈالر فی اونس تک جا پہنچی ہے، جس کے اثرات مقامی مارکیٹ پر بھی واضح نظر آ رہے ہیں۔

چاندی بھی پیچھے نہیں رہی۔ ایک تولہ چاندی 280 روپے مہنگی ہو کر 6 ہزار 939 روپے جبکہ 10 گرام چاندی 240 روپے اضافے کے بعد 5 ہزار 949 روپے کی ہو گئی ہے۔ عالمی مارکیٹ میں چاندی 2.80 ڈالر اضافے کے ساتھ 64.60 ڈالر فی اونس پر ٹریڈ کر رہی ہے۔

سب سے حیران کن بات یہ ہے کہ صرف 3 دنوں میں ایک تولہ سونا 26 ہزار 400 روپے جبکہ 10 گرام سونا 22 ہزار 633 روپے مہنگا ہو چکا ہے۔