راولپنڈی ( پاک ترک نیوز) سکیورٹی فورسز کا بلوچستان میں آپریشن العزم۔۔۔ مستونگ کے علاقہ کھڈ کوچہ میں کارروائی کے دوران چار دہشت گرد مارے گئے،متعدد کے زخمی ہونے کی اطلاعاتگ ، ہلاک ہونے والے دہشت گردوں سے اسلحہ ،گولہ بارود برآمد ، موٹرسائیکلیں ،ضبط ، دہشتگردوں کی سہولت کاری میں ملوث متعدد مشتبہ افراد کو گرفتار بھی کر لیا گیا،
سکیورٹی ذرائع کے مطابق آپریشن کے دوران علاقے میں سرچ اور کلیئرنس کارروائیاں جاری ہیں ، سیکیورٹی فورسز کی جانب سے مکمل نگرانی برقرار ہے۔
یہ بھی پڑھیں: ضمانت اور سزا معطلی سمیت نیب کے تمام مقدمات آئینی عدالت سنے گی،سپریم کورٹ
سکیورٹی ذرائع کے مطابق حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے۔
سیکیورٹی ذرائع کے مطابق دہشت گردی کے خاتمے اور خطے میں امن و امان کے قیام تک سیکیورٹی فورسز کی کاروائیاں مسلسل جاری رہیں گی۔
