لاہور( پاک ترک نیوز) پنجاب اسکول ایجوکیشن ڈیپارٹمنٹ نے موسم گرما کی تعطیلات کے بعد 24 اگست 2026 سے صوبے بھر کے سرکاری و نجی اسکولوں کے نئے اوقات کار کا اعلان کردیا۔محکمہ اسکول ایجوکیشن کی جانب سے جاری نوٹیفکیشن کے مطابق پنجاب بھر کے سرکاری اور نجی اسکول پیر سے جمعہ تک کھلیں گے۔نوٹیفکیشن کے مطابق سرکاری اسکولوں کے اوقات کار الگ سے مقرر کیے گئے ہیں، جو 24 اگست سے 15 اکتوبر 2026 تک نافذ العمل رہیں گے۔
محکمہ اسکول ایجوکیشن نے صوبے کے تمام اضلاع کی ڈسٹرکٹ ایجوکیشن اتھارٹیز کے چیف ایگزیکٹو افسران کو نئے شیڈول پر عمل درآمد یقینی بنانے کی ہدایت کردی ہے۔نوٹیفکیشن میں کہا گیا ہے کہ طالبات کے اسکولوں کے کھلنے اور چھٹی کے اوقات میں 15 منٹ کے فرق کو متعلقہ اضلاع کے چیف ایگزیکٹو افسران مقامی سہولت کے مطابق ایڈجسٹ کرسکیں گے۔
یہ بھی پڑھیں: ورلڈ کپ فائنل میں ہنگامہ، ارجنٹائن کے پیریڈس پر 10 میچز کی پابندی
نئے اوقات کار کا اطلاق 24 اگست سے ہوگا، جب موسم گرما کی تعطیلات کے بعد پنجاب بھر میں اسکول دوبارہ کھلیں گے۔
