تہران(پاک ترک نیوز) ایرانی پاسداران انقلاب نے کہا ہے کہ ایرانی پانیوں میں 7 غیر ملکی بحری جہاز نشانہ بنے ہیں۔
غیر ملکی ذرائع ابلاغ کے مطابق پاسداران انقلاب کا کہنا ہے کہ چار جہازوں کو شمالی خلیج فارس میں تیل کی غیر قانونی منتقلی کے دوران نشانہ بنایا جبکہ تین جہاز آبنائے ہُرمُز میں بارودی سرنگوں کا نشانہ بنے۔
مزید بتایاکہ امریکا نے جارحانہ رویہ برقرار رکھا تو خطے میں امریکی فوجی اڈوں کو نشانہ بنائیں گے۔
دوسری جانب ایرانی وزیر خارجہ عبّاس عراقچی کا کہنا ہے کہ خلیج فارس میں آگے کا راستہ تبھی نکل سکتا ہے جب امریکی حکومت تسلیم کر لے کہ اس کے پاس معاملے کا کوئی فوجی حل موجود نہیں۔
برطانوی اخبار فائنانشل ٹائمز میں اپنے ایک مضمون میں انھوں نے لکھا کہ اقوام متحدہ کے جنرل اسمبلی اجلاس کے موقع پر انھوں نے جو ملاقاتیں کیں ان میں ایک پیغام واضح تھا کہ ایران امریکا کے ساتھ ایک منصفانہ اور آبرو مندانہ سمجھوتہ کرنا چاہتا ہے۔
یہ بھی پڑھیں: سابق فاسٹ بولر محمد عامر کا نیشنل کرکٹ اکیڈمی کا دورہ
امریکا نے ایران پر مزید پابندیاں عائد کردیں ۔عبّاس عراقچی کا کہنا تھا کہ اس مقصد کو حاصل کرنے کے لیے وائٹ ہاؤس کو سنجیدگی کا مظاہرہ کرنا ہو گا اور اپنی جارحیت کو ہمیشہ کے لیے ختم کرنے کی حقیقی خواہش ظاہر کرنا ہوگی۔
