استنبول(پاک ترک نیوز) ترکیہ نے رواں سال 2026 کی پہلی ششماہی میں کروز جہازوں کے ذریعے ریکارڈ 7لاکھ 56ہزار455 کروز مسافروں کا ملک میں آمد پر خیرمقدم کیا۔ یہ کروز پر سفر کرنے والے2011 سے اب تک کے سرکاری اعداد و شمار کے مطابق جنوری تا جون کے عرصے میں مسافروں کی سب سے زیادہ تعداد ہے۔
وزارتِ ٹرانسپورٹ و انفراسٹرکچر کے ڈائریکٹوریٹ جنرل برائے سمندری امور کے مطابق مسافروں کی تعداد میں 3.3 فیصد اضافہ ہوا ہے۔ جبکہ اس سے قبل پہلی ششماہی کا ریکارڈ 2025 میں 732,302 مسافروں کا تھا۔
یہ بھی پڑھیں:ترکیہ اور پولینڈ میں کئی افغان باشندے گرفتار
کرونا وائرس کی وبا کے باعث پیدا ہونے والی سفری رکاوٹوں کے خاتمے کے بعد کروز سفر کی بحالی کے ساتھ ہی مسافروں کی کل تعداد میں تیزی سے اضافہ ہوا ہے۔ یہ تعداد 2022 کی پہلی ششماہی میں 55,817 تھی جو 2023 میں بڑھ کر 482,925 اور 2024 میں 574,509 ہو گئی تھی۔
اعداد وشمار کے مطابق رواں سال کے پہلے چھ ماہ کے عرصے کے دوران مجموعی طور پر 488 کروز جہازوں نے ترکی کی بندرگاہوں کا رخ کیا۔کوش آداسی جہازوں کی آمد کے لحاظ سے ترکیہ کی مصروف ترین کروز بندرگاہ رہی ۔جہاں 204 جہاز لنگر انداز ہوئے۔ استنبول کی بندرگاہیں 93 جہازوں کی آمد کے ساتھ دوسرے نمبر پر رہیں۔ اس کے بعد بودرم میں 36، چیلمے میں 27 اور مارمارس میں 20 کروز جہاز لنگر انداز ہوئے۔
