ٹوکیو ( پاک ترک نیوز) جاپان اور جنوبی کوریا میں سورج کا پارہ ہائی ،تاریخی گرم ترین دن ریکارڈ کئے گئے ۔
تفصیلات کے مطابق جاپان اورجنوبی کوریا کو تاریخی گرم موسم کا سامنا ہے ۔
جاپان کی موسمیاتی ایجنسی (JMA) کا کہنا ہے کہ اس موسم گرما میں جاپان کا اوسط درجہ حرارت 1991 سے 2020 تک کے 30 سالہ اوسط سے 2.36 ڈگری سیلسیس (4.24 ڈگری فارن ہائیٹ) زیادہ تھا۔
جاپانی موسمیاتی ایجنسی کی جانب سے بتایا گیاکہ 1898کے بعد یہ گرم ترین موسم ریکارڈ کیا گیا ہے ۔
موسمی ایجنسی نے مزید کہا کہ موسم گرما کے اوسط درجہ حرارت نے ملک بھر میں 153 میں سے 123 موسمی اسٹیشنوں پر ریکارڈ توڑ دیے، جس میں "انتہائی گرم دن” ریکارڈ کرنے والے خودکار موسمیاتی اسٹیشنوں کی تعداد ریکارڈ 9,385 تک پہنچ گئی۔
جے ایم اے نے کہا کہ اس نے اگلے دو ہفتوں کے دوران خاص طور پر مشرقی اور مغربی جاپان میں شدید گرمی جاری رہنے کی توقع کی ہے، اور شہریوں پر زور دیا کہ وہ گرمی سے متعلق بیماریوں سے بچنے کے لیے مناسب احتیاط برتیں۔
جاپان نے گزشتہ ماہ ایک ہی دن میں دو مرتبہ گرم ترین دن کا ریکارڈ توڑا جب وسطی شہر آئساکی میں درجہ حرارت 41.8ڈگری سینٹی گریڈ تک پہنچا تھا۔
دوسری جانب کوریا کی موسمیاتی انتظامیہ کی جانب سے کہا گیا ہے کہ موسم گرما کا اوسط درجہ حرارت ریکارڈ 25.7ڈگری سینٹی گریڈ تک پہنچا ہے یہ 1973کے بعد گرم ترین موسم ہے ۔
جاپان اور جنوبی کوریا میں ریکارڈ گرمی ،شہریوں کو احتیاطی تدابیر اختیار کرنے کی ہدایت
