انعامی رقم کا تنازع ،خواتین کھلاڑیوں کی فرنچ اوپن کے بائیکاٹ کی دھمکی

فرینکفرٹ(پاک ترک نیوز) گرینڈ سلم ٹینس ٹورنامنٹ فرنچ اوپن میں انعامی رقم کا نیا تنازع بڑھنے لگا ۔خواتین کھلاڑیوں کی طرف سے فرنچ اوپن کے بائیکاٹ کا امکان ہے ،خبر ایجنسی کے مطابق عالمی نمبر ایک آریانا سبالینکا اور کوکوگوآف نے فرنچ اوپن کے بائیکاٹ کی دھمکی دے دی ۔
کھلاڑیوں نے مشترکہ اعلامیے میں کہا انعامی رقم ٹورنامنٹ کی مجموعی آمدن میں سے 15 فیصد سے کم ہے۔اگر فرنچ اوپن کی انعامی رقم نہ بڑھائی گئی تو کھلاڑی ایونٹ کا بائیکاٹ کریں گے، آریانا سبالینکا نے کہاکسی نہ کسی مرحلے پر ہم اس ٹورنامنٹ کا بائیکاٹ کریں گے، اپنے حقوق کے لیے لڑنے کا یہ واحد طریقہ ہے۔
آریانہ سبالینکا نے کہا میرے خیال میں کھلاڑیوں کے ساتھ یہ ناانصافی ہے،امید ہے کہ مذاکرات میں ہم اس نتیجے پر پہنچیں گے جس پر سب خوش ہوں گے،میرا ماننا ہے کہ ہمیں زیادہ حصہ ملنا چاہیئے،اگر کھلاڑیوں نے ایک ساتھ فیصلہ کیا تو 100 فیصد بائیکاٹ ہوسکتا ہے۔
واضح رہے کہ اس بار ٹورنامنٹ کی انعامی رقم 9.5 فیصد اضافے کے بعد 72.19 ملین ڈالرز کی گئی، یوایس اوپن کی انعامی رقم 90 ملین،ومبلڈن کی 72.51 ملین ڈالرز، آسٹریلین اوپن کی 80.06 ملین ڈالرز ہے۔