پاکستان کی کامیاب سفارتکاری،وزیراعظم کے رابطوں کی سنچری مکمل

اسلام آباد ( پاک ترک نیوز )پاکستان کی جانب سے کامیاب اور موثر سفارتکاری، وزیر اعظم کی جانب سے ٹیلیفونک رابطوں کی نصف سنچری مکمل ہو گئی ،وزیر اعظم نے دنیا کےمختلف سربراہان مملکت سے ایران پر امریکہ و اسرائیل کے حملوں کے آغاز سے اب تک 51 مرتبہ ٹیلیفونک رابطے کئے۔
وزیر اعظم نے 28 فروری سے اب تک مشرق وسطی اور مغربی ممالک کے سربراہان سے 51 بار ٹیلیفون پر بات کی ،وزیر اعظم ٹیلیفون پر سب سے ذیادہ ایرانی صدر ڈاکٹر مسعود پزیشکیان سے رابطے میں رہے، 5 مرتبہ بات کی۔وزیر اعظم کا کویت کے ولی عہد شیخ صباح الخالد کے ساتھ تین مرتبہ، ترکیہ کے صدر رجب طیب اردوان کے ساتھ تین مرتبہ رابطہ ہوا
سعودی ولی عہد شہزادہ محمد بن سلمان کے ساتھ وزیر اعظم نے مذکورہ عرصے میں تین مرتبہ ٹیلیفون پر بات کی۔بحرین کے فرمانروا کے ساتھ وزیر اعظم نے تین مرتبہ، امیر قطر کے ساتھ بھی تین ٹیلیفونک رابطے کئے۔وزیر اعظم کے لبنان کے ہم منصب کے ساتھ تین، عمان کے بادشاہ کے ساتھ دو مرتبہ ٹیلیفونک رابطے ہوئے۔
وزیر اعظم نے اٹلی،جرمنی، برطانیہ، فرانس، مشرق وسطی کی ریاستوں کے سربراہان سے بھی ایک سے زائد مرتبہ گفتگو کی۔وزیر اعظم کے یورپین کونسل کے صدر سے بھی دو مرتبہ اہم ٹیلیفونک رابطے ہوئے۔وزیر اعظم نے عید الفطر کے موقع پر 14 ممالک کے سربراہان کو عید کے پیغامات کے تبادلوں کے لئے کالز کیں۔ٹیلیفونک رابطوں کے علاوہ وزیر اعظم نے سعودی عرب، ترکیہ اور قطر کے اہم دورے بھی کئے اور قیادت سے ملاقاتیں کیں۔