راولپنڈی (پاک ترک نیوز) پاکستان نے پہلے ایک روزہ میچ میں آسٹریلیا کو شکست دے کر تین میچوں کی سیریز میں ایک صفر کی برتری حاصل کرلی۔
پاکستان نے آسٹریلیا کی جانب سے دیا گیا 201رنز کا 5وکٹوں کے نقصان پر پورا کرلیا ۔
بابراعظم 69رنز بنا کر آئوٹ ہوئے جبکہ غازی غوری نے 65رنز بنائے ۔
آسٹریلیا کی جانب سے ایلس نے دو جبکہ لبھوشن اور تنویر نے ایک ایک کھلاڑی کو آئوٹ کیا ۔
اس سے قبل پاکستان نے ٹاس جیت کر پہلے بائولنگ کا فیصلہ کیا ۔آسٹریلیا نے پاکستان کو جیت کےلیے 201 رنز کا ہدف دے دیا۔
مہمان ٹیم 45ویں اوور میں 200 رنز بنا کر آل آؤٹ ہوگئی تھی، ڈیبیو میچ کھیلنے والے عرفات منہاس نے 5 وکٹیں حاصل کیں۔
آسٹریلیا کی جانب سے میٹ رینشا نے سب سے زیادہ 61 رنز بنائے جبکہ میتھیو شارٹ نے 55 رنز کی اننگز کھیلی۔ میتھیو کوہنیمن نے 24، ایلکس کیری نے 19 رنز بنائے۔پاکستان کی جانب سے عرفات منہاس کے علاوہ ابرار احمد نے 2 جبکہ شاہین آفریدی، حارث رؤف اور سلمان علی آغا نے ایک ایک وکٹ لی۔
یہ بھی پڑھیں: عرفات منہاس ڈیبیو پر 5 وکٹ لینے والے پہلے پاکستانی بولر بن گئے
21 سالہ عرفات منہاس نے پاکستان کے 1 ہزار ایک روزہ میچز کی تاریخ میں پہلے بولر ہیں جنہوں نے ڈیبیو پر 5 وکٹیں لی ہیں۔عرفات منہاس نے 10 اوورز کے کوٹے میں 52 رنز کے عوض 5 وکٹیں حاصل کیں۔
شاندار پرفارمنس سے متعلق عرفات منہاس کا کہنا تھا کہ ڈییبو پر 5 وکٹیں حاصل کرنے پر خوشی ہے، کوشش ہوگی کہ مستقبل میں بھی ایسی کارکردگی پیش کروں، بولنگ میں سب نے مشترکہ کوشش کی۔
عرفات منہاس سے قبل فاسٹ بولر ذاکر خان نے 1984 میں ڈیبیو پر 19 رنز کے عوض 4 وکٹیں حاصل کی تھیں۔
واضح رہے کہ سیریز کے آخری دو میچز 2اور 4جو ن کو لاہور کے قذافی سٹیڈیم میں کھیلے جائیں گے۔
