لاہور( پاک ترک نیوز) پاکستان اور زمبابوے کی ٹیمیں سہ ملکی ٹی ٹونٹی سیریز میں کل مد مقابل آئیں گی ۔ سہ ملکی سیریز میں پاکستان اور زمبابوے کےعلاوہ سری لنکا بھی شامل ہے۔
سہ ملکی سیریز کا پہلے ٹی ٹونٹی میچ کل راولپنڈی میں کھیلا جائے گا ۔ پاکستان وقت کے مطابق یہ میچ شام سات بجے شروع ہوگا ۔پاکستانی ٹیم کی قیادت سلمان علی آغا کریں گے جبکہ زمبابوے کے قائد سکندر رضا ہیں ۔سری لنکن ٹیم کی کمان اسالنکا کے ہاتھوں میں ہے۔
تینوں ٹیمیں سہ ملکی سیریز کے گروپ میچز میں دو دو بار مد مقابل آئیں گی ۔ سری لنکا اور زمبابوے کی ٹیمیں 20کو دوسرے میچ میں ٹکرائیں گی۔ تیسرے میچ میں 22نومبر کو پاکستان اور سری لنکا کی ٹیمیں ایک دوسرے کا آمنا سامنا کریں گی ۔
پاکستان اورزمبابوے کے درمیان چوتھا میچ 23نومبر کو کھیلا جائے گا ۔ 25نومبر کو سری لنکا اور زمبابوے کی ٹیمیں ایک دوسرے کے مد مقابل آئیں گی ۔آخری گروپ میچ میں سری لنکا کا جوڑ پاکستان سے پڑے گا ۔ سہ ملکی ٹی ٹونٹی سیریز کا فائنل 29نومبر کو کھیلا جائے گا ۔
قبل ازیں پاکستان نے سری لنکا کو ایک روزہ تین میچوں کی سیریز میں وائٹ واش کیا ہے ۔ تین میچوں پر مشتمل سیریز کے آخری ون ڈے میں پاکستان نے 6وکٹوں سے کامیاب حاصل کی ہے۔
