لاہور( پاک ترک نیوز)
پاکستان اور جنوبی افریقہ کی ٹیمیں تین میچوں پر مشتمل سیریز کے دوسرے ٹی ٹونٹی میچ میں کل ایک دوسرے کے آمنے سامنے آئیں گی ۔
لاہورکے قذافی سٹیڈیم میں پاکستان اور سائوتھ افریقہ کے درمیان دوسرا ٹی ٹونٹی میچ کل کھیلا جائے گا ۔ پاکستانی وقت کے مطابق یہ میچ رات آٹھ بجے شروع ہو گا۔
شاہین سیریز برابر کرنے کیلئے ایڑی چوٹی کا زور لگائیں گے جبکہ جنوبی افریقہ دوسرے میچ بھی جیت کر سیریز اپنے نام کرنے کی خواہاں ہے ۔
مہمان ٹیم کو سیریز میں ایک صفر کی برتری حاصل ہے ۔ راولپنڈی میں کھیلے گئے پہلے ٹی ٹوٹنی میچ میں جنوبی افریقہ نے پاکستان کو 55رنز سے شکست دی تھی ۔
سائوتھ افریقہ نے پہلے ٹی ٹونٹی میچ میں مقررہ بیس اوورز میں 195رنز کا ہدف دیا تھا ۔ پاکستانی بیٹنگ لائن ایک بار دھوکہ دے گئی تھی اوروقفے وقفے سے وکٹیں گرتی رہیں اور پوری ٹیم 18.1اوورز میں 139رنز بنا سکی ۔
واضح رہے کہ تین میچوں پر مشتمل سیریز کا تیسرا اور آخری ٹی ٹونٹی میچ یکم نومبر کو لاہور میں ہی کھیلا جائے گا ۔
ٹی ٹوٹنی سیریز کے بعد دونوں ٹیمیں تین ایک روزہ میچز کھیلیں گی یہ میچز فیصل آباد میں کھیلے جائیں گی ۔پہلا ون ڈے 04نومبر دوسرا 6اور تیسرا ایک روزہ میچ 08نومبر کو کھیلا جائے گا ۔
