لاہور (پاک ترک نیوز) پاکستان اور نیوزی لینڈ کی ٹیمیں آئی سی سی ٹی ٹونٹی ورلڈ کپ کے سپر ایٹ مرحلے میں آج نبرد آزما ہوں گی ۔
قومی پلیئنگ الیون میں دو تبدیلیوں کا امکان ظاہر کیا جا رہا ہے۔ قومی مایہ ناز بیٹر فخر زمان اور ابرار احمد کی پلیئنگ الیون میں شمولیت کا امکان ہے۔
پاکستان اور نیوزی لینڈ کی ٹیمیں کولمبو میں سپر ایٹ مرحلے کے پہلے میچ میں مد مقابل آئیں گی ۔گروپ اسٹیج پر دونوں ٹیموں نے تین تین میچ جیتے ہیں، گروپ اے میں پاکستان دوسرے نمبر پر تھا جبکہ نیوزی لینڈ گروپ ڈی میں دوسرے نمبر پر تھی۔
واضح رہے کہ پاکستان اور نیوزی لینڈ کی ٹیمیں ٹی ٹونٹی مقابلوں میں اب تک 7مرتبہ ایک دوسرے کے مد مقابل آ چکی ہیں جہاں شاہینوں کا پلڑا بھاری ہے ۔پاکستان نے کیویز کو 5مرتبہ ہرایا ہے جبکہ نیوزی لینڈ 2بار شاہینوں کیخلاف کامیابی حاصل کر سکا ہے ۔
