آر اے شمشاد
پاکستان اور آسٹریلیا کے درمیان تین ٹی ٹونٹی میچوں کی سیریز کا آغاز ہونے جا رہاہے ۔ آسٹریلیا کی ٹیم کل پاکستان کے دورے پر پہنچے گی ۔ یہ تینوں میچز لاہور کے قذافی سٹیڈیم میں کھیلے جائیں گے ۔ پہلا میچ 29جنوری ،دوسرا 31جنوری جبکہ تیسرا اور آخری ٹی ٹونٹی میچ یکم فروری کو کھیلا جائے گا ۔ یہ میچز شام 4بجے شروع ہوں گے ۔
دونوں ممالک کے درمیا ن کھیلے گئے میچز کا جائزہ لیا جائے تو بابراعظم پاک آسٹریلیا ٹی ٹونٹی میچز میں زیادہ رنز بنانے والے کھلاڑی ہیں جبکہ سعید اجمل زیادہ وکٹیں لینے والے بائولر ہیں ۔
اگر بات کی جائے پاکستان اور آسٹریلیا کے درمیان کھیلے گئے ٹی ٹونٹی میچز کی تو اب تک دونوں ٹیمیں 28مرتبہ چھوٹے فارمیٹ میں ایک دوسرے کے مد مقابل آ چکی ہیں ۔جہاںآسٹریلیا کا پڑا بھاری ہے ۔ کینگروز نے 14جبکہ پاکستان نے 13میچز میں جیت کا مزہ چکھا ہے ۔
دونوں ممالک کے درمیان زیادہ رنز کی بات کی جائے تو پاکستان کرکٹ ٹیم کے مایہ ناز بلے باز بابراعظم پاک آسٹریلیا باہمی ٹی ٹونٹی سیریز میں زیادہ رنز بنانے والے کھلاڑی ہیں ۔انہوں نے باہمی میچز میں آسٹریلیا کیخلاف 11میچز میں حصہ لیا ہے اور 430رنز سکور کر رکھے ہیں اس فہرست میں دوسرے نمبر پر ڈیوڈ وارنر کا نام آتا ہے جنہوں نے 16میچز میں 396رنز سکور کئے ہیں ۔
پاک آسٹریلیا سیریز میں وکٹوں کی تعداد میں سعید اجمل پہلے نمبر پر موجود ہیں انہوں نے 19وکٹیں اپنے نام کی ہیں جبکہ شاہین شاہ آفریدی 17وکٹوں کے ساتھ اس فہرست میں دوسرے نمبر پر موجود ہیں۔
