سری نگر (پاک ترک نیوز )مقبوضہ جموں و کشمیر کے وزیراعلیٰ عمر عبداللہ نے معروف بھارتی صحافی اور سابق ٹی وی اینکر ندھی رازدان سے دوسری شادی کرلی۔
عمر عبداللہ نے سوشل میڈیا اکاؤنٹ پر ندھی رازدان کے ساتھ تصویر شیئر کرتے ہوئے اپنی شادی کا اعلان کیا۔ انہوں نے تصویر کے ساتھ لکھا کہ ’’کل ایک نئے سفر کا آغاز ہوا‘‘ اور اپنی اہلیہ کو بھی پوسٹ میں ٹیگ کیا۔
بھارتی میڈیا رپورٹس کے مطابق یہ شادی عمر عبداللہ کی پہلی اہلیہ پائل عبداللہ سے طلاق کے تقریباً تین ماہ بعد ہوئی ہے۔
31 جولائی 2026 کو بھارتی سپریم کورٹ نے عمر عبداللہ اور پائل عبداللہ کی باہمی رضامندی سے شادی ختم کرنے کی درخواست منظور کی تھی۔ دونوں نے اپنے تمام تنازعات حل کرنے اور ایک دوسرے کے خلاف زیر التوا مقدمات واپس لینے پر بھی اتفاق کیا تھا۔
عمر عبداللہ اور پائل عبداللہ کی شادی 1994 میں ہوئی تھی۔ دونوں کی ملاقات نئی دہلی کے اوبرائے ہوٹل میں ملازمت کے دوران ہوئی تھی۔ اس شادی سے ان کے دو بیٹے ظاہر اور ضمیر ہیں۔
دونوں 2009 سے الگ رہ رہے تھے، جبکہ عمر عبداللہ نے 2011 میں باضابطہ طور پر علیحدگی کا اعلان کیا تھا۔
ندھی رازدان بھارت کی معروف صحافی ہیں اور طویل عرصے تک بھارتی نیوز چینل این ڈی ٹی وی سے وابستہ رہ چکی ہیں۔
