لاہور( پاک ترک نیوز) مینز بلائنڈ کرکٹ ایشیا کپ کے لیے پاکستان کے 16 رکنی اسکواڈ کا اعلان رواں ہفتے ہونے کا امکان ہے۔ ذرائع کے مطابق سلیکشن کیمپ میں شاندار اور بہترین کارکردگی کا مظاہرہ کرنے والے کھلاڑیوں کو قومی ٹیم کے لیے منتخب کیا جائے گا۔ذرائع کا مزید کہنا ہے کہ ایشیا کپ کے لیے پاکستان بلائنڈ کرکٹ ٹیم کا خصوصی ٹریننگ کیمپ رواں ماہ کے آخر میں لاہور میں لگایا جائے گا۔ اس کے علاوہ قومی بلائنڈ کرکٹ ٹیم کی بنگلہ دیش روانگی 12 نومبر کو متوقع ہے۔
یہ بھی پڑھیں: لاہور، ٹریفک قوانین کی سنگین خلاف ورزیوں پر چالان کی بجائے مقدمات درج کرنے کا فیصلہ
واضح رہے کہ بلائنڈ کرکٹ ایشیا کپ رواں سال 14 سے 20 نومبر تک بنگلہ دیش میں کھیلا جائے گا، جس میں روایتی جوش و خروش کے ساتھ تمام مدمقابل ٹیمیں ٹرافی کے لیے مدِ مقابل آئیں گی۔
