لاہور(پاک ترک نیوز)یونیورسٹی آف ہیلتھ سائنسز (UHS) نے پنجاب کے پرائیویٹ میڈیکل اور ڈینٹل کالجوں میں داخلوں کا باضابطہ شیڈول جاری کر دیا ہے۔ پرائیویٹ کالجوں میں داخلے بھی حکومت پنجاب کی ایڈمیشن پالیسی کے مطابق مکمل طور پر سنٹرالائزڈ ہوں گے۔
شیڈول کے مطابق پرائیویٹ ایم بی بی ایس داخلوں کے لیے آن لائن درخواستیں 23 اکتوبر سے وصول کی جائیں گی، جن کی آخری تاریخ 6 نومبر مقرر کی گئی ہے۔ جبکہ پرائیویٹ میڈیکل کالجوں کی پہلی سلیکشن لسٹ 18 نومبر کو جاری کی جائے گی۔
اس کے علاوہ بی ڈی ایس داخلوں کے لیے آن لائن درخواستیں 18 دسمبر سے وصول کی جائیں گی اور اس کے لیے آخری تاریخ یکم جنوری 2027 مقرر کی گئی ہے۔ پرائیویٹ ڈینٹل کالجوں کی پہلی سلیکشن لسٹ 13 جنوری 2027 کو جاری ہوگی۔
یہ بھی پڑھیں: لاہور، ٹریفک قوانین کی سنگین خلاف ورزیوں پر چالان کی بجائے مقدمات درج کرنے کا فیصلہ
واضح رہے کہ پنجاب کے 34 پرائیویٹ میڈیکل کالجوں میں ایم بی بی ایس کی مجموعی طور پر 4,500 سیٹیں ہیں، جبکہ 18 پرائیویٹ ڈینٹل کالجوں میں بی ڈی ایس کی 1,100 سیٹیں دستیاب ہیں۔ داخلوں کے لیے تمام صوبوں سے طلبہ اور سمندر پار (اوورسیز) پاکستانی بھی درخواست دینے کے اہل ہوں گے۔
