اسلام آباد ( پاک ترک نیوز) ملک بھر میں 23مارچ یوم پاکستان کے طور پر منایا جا ئےگا، یہ دن ہمیں یاد دلاتا ہے کہ ہمارے بزرگوں نے آزادی کے لیے کتنی قربانیاں دیں۔
قومی دن قوموں کی تاریخ میں بہت اہمیت رکھتے ہیں ،زندہ قومیں اپنے اسلاف کی قربانیوں اور جدوجہد کو نہ صرف یاد رکھتی ہیں بلکہ اسے امانت کے طور پر نئی نسل میں منتقل بھی کرتی ہیں ،قومی دن اپنی دھرتی کے ساتھ عہد وفا کی تجدید کا دن ہوتاہے ۔ ان ایام کو منانے کا ایک مقصد یہ بھی ہوتا ہے کہ نئی نسل کو ان کے پیشروئوں کی قربانیوں اور کامیابیوں کو یاد دلایا جائے ۔۔
23 مارچ 1940 کو لاہور میں مسلمانوں کی سیاسی قیادت نے ایک تاریخی قرارداد منظور کی، جسے آج ‘قراردادِ لاہور’ کے نام سے یاد کیا جاتا ہے۔ اس قرارداد نے مسلمانوں کے لیے الگ وطن کی بنیاد رکھی۔ قرارد اد پاکستان کی یاد میں آج کے دن کو یوم پاکستان کے طور پر یاد رکھا جاتا ہے
تیئس مارچ انیس سو چھپن سے لے کر سات اکتوبر انیس سو اٹھاون کو یہ دن ریپبلک ڈے یعنی یوم جمہوریہ کے طار پر منایا گیا ، جنرل ایوب خان اور صدر اسکندر مرزا کے مارشل لا کی وجہ سے پاکستان سے جمہوریت ختم ہو گئی اور یومِ جمہوریہ منانے کی وجہ باقی نہ رہی۔ پھر اسے یوم پاکستان قرار دے کر اس کا تعلق قرارد داد پاکستان سے جوڑ دیا گیا ۔
تیس مارچ کو یوم پاکستان پر ملک بھر میں عام تعطیل ہے ، اس دن کے حوالے سے خصوصی تقریبات کا اہتمام کیا گیا ،سرکاری دفاتر اور اہم عمارتوں کو سجایا گیا ،طالب علموں کا کہناہے ہمیں اپنے وطن پر فخر ہے ،
