راولپنڈی ( پاک ترک نیوز) سیکیورٹی فورسز کی بڑی کارروائی، شمالی وزیرستان میں 8 خارجی ہلاک کردیئے۔
آئی ایس پی آرکا کہنا ہے کہ یکم اپریل کو پاک افغان سرحد پر خارجیوں کی نقل و حرکت کا سراغ لگایا گیا۔ فورسز کی بروقت اور مؤثر کارروائی، بھارتی سرپرستی میں کام کرنے والے 8 خارجی مارے گئے۔ ہلاک خارجیوں کے قبضے سے اسلحہ اور گولہ بارود بھی برآمد ہوا۔
آئی ایس پی آرنے بتایا کہ کارروائی میں فتنہ الخوارج سے تعلق رکھنے والے دہشتگرد نشانہ بنے، افغان طالبان سرحدی انتظام میں ناکام، پاکستانی مؤقف ایک بار پھر درست ثابت ہو گیا ۔ افغان عبوری حکومت اپنی ذمہ داریاں پوری کرے، اپنی سرزمین دہشتگردی کیلئے استعمال نہ ہونے دے۔
آئی ایس پی آر کے مطابق پاکستان کی سیکیورٹی فورسز ملک کے دفاع کیلئے پرعزم، کسی قربانی سے دریغ نہیں کریں گی۔ علاقے میں مزید دہشتگردوں کے خاتمے کیلئے سرچ آپریشن جاری ہے۔ “عزم استحکام” کے تحت دہشتگردی کے خلاف بھرپور کارروائیاں جاری رہیں گی۔
سیکیورٹی فورسز اور قانون نافذ کرنے والے ادارے دہشتگردی کے مکمل خاتمے کیلئے متحرک ہے۔
سیکیورٹی فورسز کی بڑی کارروائی، شمالی وزیرستان میں 8 خارجی ہلاک
