لاہور( پاک ترک نیوز) پاکستان اور سائوتھ افریقہ کے درمیان جاری دو ٹیسٹ میچوں پر مشتمل سیریز کے پہلے ٹیسٹ میچ میں پاکستان کی پوری ٹیم جنوبی افریقہ کیخلاف دوسر ی اننگز میں 167رنز بنا کر پویلین لوٹ گئی۔
تفصیلات کے مطابق لاہور کے قذافی سٹیڈیم میں جاری پہلے ٹیسٹ میچ کے تیسرے روز پاکستان نے دوسری اننگزمیں پوری ٹیم کے نقصان پر 167رنز بنا لئے ۔ جنوبی افریقہ کو جیت کیلئے 277رنز درکارہے ۔
پاکستان کرکٹ ٹیم کی آخری 6وکٹیں محض 17رنز کے دوران گر گئیں ۔ پاکستان کی جانب سے دوسری اننگز میں بابراعظم نے 42،عبداللہ شفیق نے 41جبکہ سعود شکیل نے 38رنز بنائے ۔
سائوتھ افریقہ کی جانب سے پریلیان نے 5جبکہ ہارمر نے چار کھلاڑیوں کو آئوٹ کیا ۔
اس سےقبل پاکستان نے پہلے ٹیسٹ میچ میں ٹاس جیت کر بیٹنگ کا فیصلہ کیا تھا ۔ پاکستان نے اپنی پہلی اننگز میں 378رنز بنائے تھے جس کے جواب میں جنوبی افریقہ کی ٹیم پہلی اننگز میں 269رنز پر آئوٹ ہوگئی تھی ۔
لاہور ٹیسٹ:پاکستان دوسری اننگز میں 167پر آئوٹ ،جنوبی افریقہ کو جیت کیلئے 277رنز درکار
