راولپنڈی (پاک ترک نیوز )فیلڈ مارشل سید عاصم منیر سے کویت کے وزیر خارجہ شیخ جابر الاحمد الصباح نے ملاقات کی ہے ،
ارمی چیف اور کویتی وزیر خارجہ کی ملاقات میں باہمی دلچسپی، علاقائی سلامتی اور مستقبل میں دو طرفہ تعاون کو فروغ دینے پر تبادلہ خیال کیا گیا
کویتی وزیر خارجہ نے علاقائی امن اور استحکام کے لیے پاکستان کی غیر متزلزل اور تعمیری کاوشوں کو سراہا۔ دو طرفہ برادرانہ تعلقات کو فروغ دینے کے لیے بھی پاکستانی کردار کی تعریف کی۔
ملاقات میں پاکستان، کویت تعلقات اور علاقائی سلامتی پر اہم تبادلۂ خیال کیا گیا۔دوطرفہ تعاون کو مزید مضبوط بنانے کے اقدامات پر گفتگو کی گئی
فیلڈ مارشل سید عاصم منیر نے کویت کے ساتھ مضبوط شراکت داری کے عزم کا اعادہ کیا۔پاکستان اور کویت نے علاقائی امن، استحکام اور خوشحالی کے مشترکہ وژن پراتفاق کیا۔
