بشکیک ( پاک ترک نیوز) نائب وزیرِ اعظم اسحاق ڈار کی کرغزستان کے وزیرِ خارجہ سے ملاقات ہوئی ہے جس میں علاقائی اور عالمی صورتحال پر تفصیلی تبادلہ خیال کیا گیا ۔
دونوں رہنماؤں نے پاکستان اور کرغزستان کے درمیان تعلقات کو مزید مضبوط بنانے کا عزم کیا ہے ۔ پاک کرغز وزرائے خارجہ نے اعلیٰ سطح روابط کے تسلسل کی اہمیت پر زور دیا ۔ترجمان دفتر خارجہ کے مطابق کاروباری برادری کے روابط اور عوامی سطح پر تعلقات کے فروغ پر بھی اتفاق کیا گیا۔
یہ بھی پڑھیں: اسحاق ڈار اور عباس عراقچی کی کرغزستان میں ملاقات
اسحاق ڈار بیلا روس کے وزیر خارجہ سے بھی ملے ۔۔ اقتصادی اور تجارتی تعاون کے فروغ، دفاع، زراعت، ٹیکنالوجی اور افرادی قوت کے تبادلے کے شعبوں میں اشتراک بڑھانے کے طریقوں پر تبادلہ خیال کیا گیا،بیلا روس کے وزیر خارجہ نے خطے میں امن کے لیے پاکستان کی کوششوں کی تعریف کی۔
