تہران (پاک ترک نیوز )ایرانی صدر مسعود پزشکیان نے موجودہ جنگ اور خطے میں بڑھتی ہوئی کشیدگی کے حوالے سے اہم بیان دیتے ہوئے جنگ فوری طور پر ختم کرنے پر زور دیا ہے۔
مسعود پزشکیان نے کہا کہ جنگ کو آج ہی ختم کر دینا ایران کے لیے زیادہ بہتر اور دانشمندانہ ہوگا۔
ایرانی صدر کا کہنا تھا کہ ایران اس وقت طاقت اور وقار کی ایک انتہائی مضبوط پوزیشن میں ہے، لہٰذا اسی پوزیشن میں رہتے ہوئے جنگ کا خاتمہ ملک کے وسیع تر مفاد میں ہے۔
مسعود پزشکیان کے بیان کو خطے میں جاری کشیدگی کے خاتمے، سفارتی پیش رفت اور تنازعات کے حل کی جانب ایک اہم اشارہ قرار دیا جا رہا ہے۔
