ملک بھر میں کل انٹرنیٹ سروسز متاثر ہونے کا امکان

اسلام آباد ( پاک ترک نیوز ) پاکستان بھر میں کل انٹرنیٹ سروسز متاثر ہونے کا امکان ہے ۔
ملک بھر میں انٹرنیٹ سروسز میں خلل کی وجہ کیبل پر مرمتی کام ہے ۔
انٹرنیٹ سروس فراہم کنندہ کمپنی نیا ٹیل (Nayatel) کا کہنا ہے کہ یہ مرمتی کارروائی دوپہر تقریباً 2:00 بجے شروع ہوگی اور اس میں تقریباً آٹھ گھنٹے لگ سکتے ہیں، جس کے دوران انٹرنیٹ کی کارکردگی متاثر ہو سکتی ہے۔
کمپنی کی جانب سے فراہم کردہ معلومات کے مطابق یہ مرمتی کام سب میرین کیبل پر کیا جا رہا ہے جو کہ ناگزیر ہے اس دوران انٹرنیٹ میں خلل یا سست روی کا مسئلہ درپیش آ سکتا ہے ۔
واضح رہے کہ رواں ماہ کے آغاز میں بھی پاکستان میں بڑے پیمانے پر انٹرنیٹ تعطل دیکھنے میں آیا تھا۔ یکم جنوری 2026 کو ملک بھر میں صارفین نے شدید انٹرنیٹ سست روی اور بندش کی شکایت کی تھی، جو ایک اپ اسٹریم انٹرنیٹ فراہم کنندہ میں خرابی کی وجہ سے دو دن سے زائد جاری رہی۔