اسلام آباد ( پاک ترک نیوز) وفاقی وزیر داخلہ محسن نقوی نے اسلام آباد میں نیشنل پولیس اکیڈمی کا دورہ کیا اور اجلاس کی صدارت کی ،محسن نقوی نے نیشنل پولیس اکیڈمی میں زیر تعمیر کثیر منزلہ ہاسٹل کے جاری تعمیراتی کاموں کا جائزہ لیا،وزیرداخلہ نے ہاسٹل میں قائم ماڈل روم کا بھی معائنہ کیا۔ ماڈل روم کو مزید بہتر بنانے کی ہدایت کی ہے ۔
وزیرداخلہ نے ایلیٹ پولیس ٹریننگ سکول کے منصوبے 31 مئی تک مکمل کرنے کا ٹاسک دے دیا ،کہتے ہیں رواں برس سے افسران کی ایلیٹ ٹریننگ صوبوں کی بجائے این پی اے میں کرائی جائے گی۔
وزیرداخلہ کی زیر صدارت اجلاس میں آئی ٹی سہولیات سے آراستہ جدید ٹریننگ کے لئے تین نئے کلاس رومز بنانے کا فیصلہ کیا گیا ،محسن نقوی نے ڈرون، نائٹ ویژن اور جدید اسلحہ کے ذریعے تربیت دینے کی ہدایت کی ہے ۔
وزیر داخلہ محسن نقوی کی این پی اے میں ڈرائیونگ سکول کے قیام کی ہدایت کرتے ہوئے کہا ڈرائیونگ سکول میں افسران کو جدید ڈرائیونگ اور کار چیز کی تربیت دی جائے گی ،تفتیشی صلاحیتوں کو مزید بہتر بنانے کیلئے کرائم سین رومز کا قیام عمل میں لایا جائے۔
وزیر داخلہ نے سپورٹس کمپلیکس، جم اور سوئمنگ پول کا بھی معائنہ کیا ۔کمانڈنٹ نیشنل پولیس اکیڈمی سعد اختر بھروانہ نے وفاقی وزیر داخلہ کومنصوبوں پر پیشرفت کے حوالے سے تفصیلی بریفنگ دی،ڈی جی ایف آئی اے ڈاکٹر عثمان انور، آئی جی اسلام آباد پولیس علی ناصر رضوی اور دیگر اعلیٰ افسران بھی اس موقع پر موجود تھے ۔
وزیر داخلہ محسن نقوی کا نیشنل پولیس اکیڈمی کا دورہ
