لاہور( پاک ترک نیوز) پاکستان کرکٹ ٹیم کے مایہ ناز بلے باز بابرا عظم پر جرمانہ عائد کردیا گیا ۔
انٹرنیشنل کرکٹ کونسل ( آئی سی سی ) نے قومی بیٹر بابر اعظم پر جرمانہ عائد کردیا ۔
بابراعظم پر جرمانہ راولپنڈی میں کھیلے گئے تیسرے ایک روزہ میچ میں آئی سی سی کوڈ آف کنڈکٹ کی خلاف ورزی پر میچ فیس کا 10فیصد جرمانہ عائد کیا گیا ہے ۔
سابق قومی کپتان اور مایہ ناز بلے باز بابر اعظم نے آئی سی سی کوڈ آف کنڈکٹ کے آرٹیکل 2.2 کی خلاف ورزی کی جوانٹرنیشنل میچ کے دوران کرکٹ کے سامان، کپڑوں، گراؤنڈ کے آلات یا فکسچرز کو نقصان پہنچانے سے متعلق ہے۔
قومی بیٹر بابراعظم کو ڈسپلنری ریکارڈ میں ایک ڈی میرٹ پوائنٹ دیا گیا ہے،یہ بابراعظم کا گزشتہ دو برس کے دوران پہلاجرم ہے ۔یہ واقعہ پاکستان کی اننگز کے 21ویں اوور میں اس وقت پیش آیا جب بابر آؤٹ ہوئے اور غصے میں بیٹ وکٹوں پر دے مارا اور پھر پویلین لوٹ گئے۔
قومی بلے باز بابر اعظم نے غلطی تسلیم کرتے ہوئے میچ ریفری علی نقوی کی جانب سے تجویز کردہ سزا قبول کرلی، جس کی وجہ سے باضابطہ سماعت کی ضرورت پیش نہیں آئی۔
واضح رہےکہ آن فیلڈ امپائرز ایلکس وارف اور راشد ریاض، تھرڈ امپائر شرف الدولہ ابن شاہد اور فورتھ امپائر فیصل آفریدی نے بابراعظم کے خلاف چارج عائد کیا تھا۔
