ہرارے سپورٹس کلب نے ایم سی جی سے اہم اعزاز چھین لیا

ہرارے ( پاک ترک نیوز) زمبابوے کے سٹیڈیم ہرارے سپورٹس کلب نے آسٹریلیا کے میلبورن کرکٹ گراؤنڈ (ایم سی جی) سے اہم اعزاز چھین لیا۔
تفصیلات کے مطابق گزشتہ روز زمبابوے اور سری لنکا کے درمیان کھیلا گیا ٹی ٹوئنٹی میچ ہرارے اسپورٹس کلب میں کھیلا گیا 289واں انٹرنیشنل میچ تھا۔
قبل ازیں ایم سی جی 288 انٹرنیشنل میچز کی میزبانی کرکے اس فہرست میں تیسرے نمبر تھا جو اب چوتھے نمبر پر چلا گیا۔
یاد رہے کہ سب سے زیادہ (309) انٹرنیشنل میچز کی میزبانی کا اعزاز متحدہ عرب امارات کے شارجہ کرکٹ سٹیڈیم کو حاصل ہے۔
آسٹریلیا کا سڈنی کرکٹ گراؤنڈ 293 میچز کے ساتھ اس فہرست میں دوسرے نمبر پر ہے۔