کراچی ( پاک ترک نیوز) ملک میں سونے اور چاندی کی قیمتوں میں ایک بار پھر اضافہ ہوگیا۔صرافہ مارکیٹ کے مطابق فی تولہ سونا 4 ہزار 300 روپے مہنگا ہوکر 4 لاکھ 41 ہزار 636 روپے کا ہوگیا۔دس گرام سونے کی قیمت میں 3 ہزار 686 روپے کا اضافہ ہوا، جس کے بعد نئی قیمت 3 لاکھ 78 ہزار 631 روپے ہوگئی۔عالمی منڈی میں بھی سونے کی قیمت میں نمایاں اضافہ ریکارڈ کیا گیا، جہاں سونا 43 ڈالر مہنگا ہوکر 4 ہزار 191 ڈالر فی اونس پر پہنچ گیا۔
چاندی کی قیمت میں بھی اضافہ ہوا۔ فی تولہ چاندی 20 روپے اضافے کے بعد 6 ہزار 578 روپے ہوگئی، جبکہ دس گرام چاندی کی قیمت 17 روپے بڑھ کر 5 ہزار 639 روپے ہوگئی۔عالمی منڈی میں چاندی 61 ڈالر فی اونس کی سطح پر کاروبار کر رہی ہے
