اسلام آباد ( پاک ترک نیوز) وزیراعظم محمد شہباز شریف کی زیر صدارت انرجی سکیورٹی کے حوالے سے اہم اجلاس ہوا ۔
وزیراعظم نے اجلاس سے خطاب میں کہا انرجی سیکیورٹی اب ملک کی مستقبل کی مجموعی منصوبہ بندی کا انتہائی اہم حصہ بن چکی ہے،موجودہ علاقائی صورتحال میں توانائی کی بچت اور اس حوالے سے بروقت اٹھائے گئے اقدامات سے توانائی کا بحران پیدا نہیں ہوا،مستقبل کی توانائی کی ضروریات کے پیش نظر ملک میں خام تیل کے اسٹریٹجک ذخائر رکھنے کے حوالے سے منصوبے پر کام جاری ہے، توانائی کی بچت اور پائیدار ترقی کے لیے ذرائع آمد و رفت کو بتدریج ماحول دوست برقی ذرائع (EV) پر منتقل کیا جائے۔
مستقبل میں سرکاری استعمال کیلئے صرف بجلی سے چلنے والی بسیں اور موٹر سائیکلیں خریدی جائیں، ای وی کے لئے چارجنگ سٹیشنز کے قیام کے لئے مزید تیزی سے اقدامات لئے جائیں، شمسی توانائی سے پیدا کردہ اضافی بجلی کی سٹوریج کے لیے بیٹریوں کا حصول آسان بنانے کے لیے لائحہ عمل تشکیل دیا جائے ،مقامی طور پر اعلی معیار کی اسٹوریج بیٹریاں تیار کرنے کی حوصلہ افزائی کی جائے ،وزیراعظم کو بریفنگ میں بتایا گیا ملک میں اس وقت پیٹرولیم کے وافر ذخائر موجود ہیں۔
وزیراعظم کی زیر صدارت انرجی سکیورٹی اجلاس
