لاہور( پاک ترک نیوز) پنجاب کے مزید چھ اضلاع میں الیکٹرک بس سروس کی لانچنگ ۔۔۔ اٹک، خوشاب، منڈی بہاؤالدین، حافظ آباد اور خانیوال میں بھی الیکٹرک بسیں چل پڑیں ،وزیراعلیٰ پنجاب مریم نواز نے تقریب سے خطاب میں کہا الیکٹرک بسوں کی مانگ بہت زیادہ ہے، صرف بیس روپے میں شہری جہاں چاہیں سفر کر سکتے ہیں -۔پنجاب کے عوام کو پہلی بار جدید، آرام دہ اور ماحول دوست سفری سہولت میسر آئی ہے ۔
وزیراعلیٰ مریم نواز نے کہا یہ اسٹیٹ آف دی آرٹ اور جدید طرز کی گرین بسیں ہیں، جو عوام کو باعزت سفر فراہم کر رہی ہیں -تمام اضلاع اور تحصیلوں میں الیکٹرک بسوں کی تعداد کو بڑھا کر 5 ہزار تک لے جائیں گے -پنجاب کے ہر شہر میں بلا تفریق جدید ٹرانسپورٹ سہولت فراہم کی جا رہی ہے۔
وزیراعلیٰ پنجاب نے مزید کہا مری کے شمالی علاقوں سے لے کر جنوبی اور وسطی پنجاب تک الیکٹرک بس سروس کا دائرہ پھیل چکا ہے- اب اس سہولت کو تحصیلوں کی سطح تک بھی مرحلہ وار بڑھایا جا رہا ہے ۔عوام کو باعزت سفری سہولت ملنے سے لوگ خوشی سے اپنے کام، اسکول اور کالجز جا رہے ہیں۔
وزیراعلیٰ پنجاب نے مزید کہا خواتین بڑی تعداد میں الیکٹرک بس سروس سے فائدہ اٹھا رہی ہیں، یہ میرے لیے خوشی کی بات ہے اسی سال تقریباً 1500 مزید بسیں شامل ہوں گی، جس سے مجموعی تعداد 3 ہزار تک پہنچ جائے گی،
وزیراعلیٰ پنجاب مریم نواز نے کہا جہاں جہاں مزید بسوں کی ضرورت ہے، وہاں فوری طور پر نئی بسیں فراہم کی جائیں گی – پنجاب کی 147 تحصیلوں تک یہ سہولت پہنچانے کا عزم رکھتے ہیں، عوام اطمینان رکھیں -۔کم از کم کرائے میں بہترین سفری سہولت دینا ہماری حکومت کی ترجیح ہے ۔
یہ بھی پڑھیں: پنجاب میں پبلک ٹرانسپورٹ میں مفت سفر کا اعلان
وزیراعلیٰ پنجاب مریم نواز نے کہا پنجاب ملک کا واحد صوبہ بن چکا ہے جس نے عوام کو سستی، معیاری اور ماحول دوست ٹرانسپورٹ فراہم کی-آج جتنی خوشی مجھے عوام کو یہ سہولت دیتے ہوئے ہو رہی ہے، شاید اس سے زیادہ کبھی نہیں ہوئی ۔
وزیراعلیٰ نے کہا ٹرانسپورٹ ڈیپارٹمنٹ اور پوری ٹیم کو ان کی دن رات محنت پر شاباش دیتی ہوں -انشاء اللہ، عوامی خدمت کا یہ سفر اسی جذبے کے ساتھ آگے بھی جاری رہے گا۔
