لاہور( پاک ترک نیوز) وزیر اعلیٰ پنجاب مریم نواز اور میاں نواز شریف کیخلاف چودھری شوگر ملز انکوائری بند کرنے کی نیب کی درخواست پر سماعت ہوئی۔
لاہور کی احتساب عدالت نے فیصلہ محفوظ کر لیا ،نیب پراسکیوٹر انتخاب عالم جوئیہ نے درخواست کے حق میں دلائل مکمل کئے ،کہا مریم نواز اور میاں محمد نواز شریف کیخلاف چودھری شوگر ملز تفتیش بند ہو چکی ہے۔
کرپشن کا کوئی ثبوت نہیں ملا تو نئے قانون کے تحت نیب انکوائری جاری نہیں رکھ سکتا ،وزیر اعلی مریم نواز کی جانب سے جاوید ارشد بھٹی ایڈووکیٹ نے دلائل دیئے۔احتساب عدالت کے جج رانا محمد عارف نے نیب کی درخواست پر سماعت کی۔
مریم نواز،نواز شریف کیخلاف انکوائری بند کرنے کی درخواست پر فیصلہ محفوظ
