واشنگٹںن (پاک ترک نیوز)امریکی سفیر کے لیے نام سینیٹ کو بھجوا دیا گیا، نیٹلی بیکر اس وقت اسلام آباد میں امریکی سفارت خانے کی ناظم الامور کے طور پر خدمات انجام دے رہی ہیں۔
امریکی صدر ڈونلڈ ٹرمپ نے نیٹلی بیکر کو پاکستان میں امریکا کا نیا سفیر نامزد کردیا ہے، جبکہ ان کی نامزدگی منظوری کے لیے امریکی سینیٹ کو بھجوا دی گئی ہے۔
وائٹ ہاؤس کے 9 نومبر کے اعلامیے کے مطابق نیٹلی بیکر امریکی سینئر فارن سروس کی تجربہ کار سفارت کار ہیں اور انہیں پاکستان میں سفیر تعینات کرنے کی نامزدگی بھیجی گئی ہے۔
نیٹلی بیکر جنوری 2025ء سے اسلام آباد میں امریکی سفارت خانے میں ناظم الامور کی حیثیت سے ذمہ داریاں انجام دے رہی ہیں۔
یہ بھی پڑھیں: ترکیہ اسٹیل پلانٹ دھماکا، وزیراعظم شہباز شریف کا اظہارِ افسوس
اس سے قبل وہ قطر میں امریکی سفارت خانے کی ڈپٹی چیف آف مشن سمیت مختلف اہم سفارتی عہدوں پر خدمات انجام دے چکی ہیں۔
نیٹلی بیکر کو عربی، ہسپانوی، فارسی اور روسی زبانوں پر عبور حاصل ہے، جبکہ وہ اردو زبان بھی سیکھ رہی ہیں۔
