ڈونلڈ ٹرمپ کا ایران پر حملے جاری رکھنے کا اعلان

واشنگٹن (پاک ترک نیوز) امریکی صدر ڈونلڈ ٹرمپ نے پوری قوت سے ایران پر حملے جاری رکھنے کا اعلان کر دیا ۔
راؤنڈ ٹیبل کانفرنس سے خطاب میں کہا ایرانی قیادت کا خاتمہ کر رہے ہیں، ایران میں جو لیڈربننا چاہتا ہے مارا جاتا ہے۔
ہم ایران کے معاملے میں بہت مضبوط پوزیشن میں ہیں۔ ایران کے میزائلوں اور لانچروں کا صفایا کیا جا رہا ہے۔ ہم جنگی محاذ پر بہت اچھا کر رہے ہیں صورتحال توقع سے بھی بہتر ہے۔ اگر ہم ایران پرحملہ نہ کرتے تو ایران ہم پرحملہ کردیتا، ایرانی حملے سے پہلے ہم نے ایران پر حملہ کردیا، ایران پر حملہ نہ کرتے تو جلد ایران کے پاس ایٹم بم ہوتا۔
ایران اپنے پڑوسیوں اور اتحادیوں کو نشانہ بنارہا ہے، جب پاگل لوگوں کے پاس ایٹمی ہتھیار ہوتے ہیں تو بری چیزیں ہوتی ہیں۔ ہم نے ایران میں 47 سال سے جاری قتل عام کو روکا۔ امریکی صدر کی سابق صدراوباما کی ایران سے جوہری ڈیل پر بھی تنقیدکی گئی ۔