کابل(پاک ترک نیوز ) افغانستان میں 6 شدت کے خوفناک زلزلے نے بڑے پیمانے پر تباہی مچا دی جس کے نتیجے میں ہلاکتوں کی تعداد 1411 تک پہنچ گئی۔
ترجمان افغان حکومت ذبیح اللہ مجاہد کا کہنا ہے کہ زلزلے سے ہزاروں افراد متاثر ہوئے ہیں، زلزلے میں اب تک 3251 افراد زخمی جبکہ 8 ہزار سے زائد گھر تباہ ہو چکے ہیں۔
سب سے زیادہ جانی و مالی نقصان صوبے کنڑ میں ہوا ہے، زلزلے کا مرکز صوبہ ننگر ہار کے شہر جلال آباد کے قریب تھا جس کی گہرائی 8 کلومیٹر ریکارڈ کی گئی۔زلزلہ مقامی وقت کے مطابق رات 11 بجکر 47 منٹ پر آیا جبکہ تقریباً 20 منٹ بعد اسی علاقے میں 4.5 شدت کا ایک اور جھٹکا بھی محسوس کیا گیا جس کی گہرائی 10 کلومیٹر تھی۔
یہ زلزلہ حالیہ برسوں میں افغانستان کی سب سے ہلاکت خیز قدرتی آفات میں سے ایک قرار دیا جا رہا ہے۔
افغانستان میں قیامت خیز زلزلہ، ہلاکتیں 1400 سے متجاوز، مزید بڑھنے کا خدشہ
