کابل ( پاک ترک نیوز) افغانستان میں طالبان مخالف مسلح گروہوں کی کارروائیوں میں حالیہ ہفتوں کے دوران تیزی آنے کی اطلاعات ہیں، جبکہ مختلف مزاحمتی گروہوں نے طالبان اہلکاروں کو جانی نقصان پہنچانے کے دعوے کیے ہیں۔طالبان مخالف گروپ افغان فریڈم فرنٹ کے مطابق صوبہ بدخشاں میں راکٹ حملوں کے نتیجے میں طالبان کے 9 اہلکار ہلاک و زخمی ہوئے۔ گروپ نے دعویٰ کیا کہ صوبائی دارالحکومت فیض آباد میں طالبان کے گورنر آفس کو بھی حملے کا نشانہ بنایا گیا۔
افغان فریڈم فرنٹ کے مطابق اس کی فورسز نے طالبان کی ایک سکیورٹی پوسٹ پر راکٹ حملہ کیا۔دوسری جانب افغان مزاحمتی تحریک دی گرین ٹرینڈ نے دعویٰ کیا ہے کہ صوبہ تخار کے ضلع چہ آب میں ایک رہائشی عمارت پر حملے کے نتیجے میں طالبان کو بھاری جانی نقصان پہنچا۔رپورٹس کے مطابق شمالی اور شمال مشرقی افغانستان میں طالبان مخالف مسلح سرگرمیوں میں حالیہ ہفتوں کے دوران اضافہ دیکھا گیا ہے۔
یہ بھی پڑھیں: خلا خالی نہیں؟ کائنات کے پراسرار راز سے سائنسدان حیرن
ماہرین کے مطابق مختلف طالبان مخالف گروہوں کی کارروائیاں ان گروپوں کے درمیان بڑھتے ہوئے تعاون، جنگی صلاحیت اور بہتر منصوبہ بندی کی عکاسی کرتی ہیں۔
