پشاور (پاک ترک نیوز) سہیل آفریدی کی جانب سے سابق صوبائی حکومت کے دور میں مارچ کو ’’فکسڈ میچ‘‘ قرار دیے جانے پر علی امین گنڈاپور برہم ہو گئے۔
علی امین گنڈاپور نے ردعمل دیتے ہوئے کہا کہ میرے پاس بھی بہت سی چیزیں ہیں، ہر چیز کا ریکارڈ موجود ہے، اگر سامنے لے آیا تو سب بے نقاب ہو جائیں گے اور منہ دکھانے کے قابل نہیں رہیں گے۔انہوں نے کہا کہ بانی پی ٹی آئی عمران خان اور پارٹی کی وجہ سے خاموش ہوں، اپنے اوپر توجہ دیں اور خود کچھ کرکے دکھائیں۔
یہ بھی پڑھیں: ہتھنی مدھو بالا کی طبیعت بگڑ گئی
علی امین گنڈاپور کا کہنا تھا کہ مارچ سے متعلق سہیل آفریدی نے بیان دے کر بڑا الزام لگایا ہے، احسان فراموشی کی بھی ایک حد ہوتی ہے، اتنا ہی کرو جتنا برداشت کر سکو۔انہوں نے مزید کہا کہ وہ اس طرح کی باتیں بالکل برداشت نہیں کریں گے اور انہیں ہر ایک کی اوقات کا پتا ہے۔
