اسلام آباد ( پاک ترک نیوز) اسلام آباد کی انسدادِ دہشت گردی عدالت نے 4 اکتوبر احتجاج کیس میں بانی پی ٹی آئی کی بہنوں علیمہ خان اور عظمیٰ خان کو اشتہاری قرار دیتے ہوئے ان کے دائمی وارنٹ گرفتاری جاری کر دیئے۔
انسدادِ دہشت گردی عدالت کے جج طاہر عباس سپرا نے کیس کی سماعت کی، جس کے دوران پولیس نے اشتہاری قرار دینے کی کارروائی مکمل کرنے سے متعلق رپورٹ عدالت میں پیش کی۔
عدالت نے پولیس رپورٹ کی روشنی میں علیمہ خان اور عظمیٰ خان کو اشتہاری قرار دیتے ہوئے ان کی جائیدادوں کی تفصیلات بھی طلب کر لیں۔
یہ بھی پڑھیں: پنجاب کے مزید 7اضلاع میں گرین بس چل پڑی ،منصوبہ بہت مقبول ہے ،مریم نواز
واضح رہے کہ علیمہ خان اور عظمیٰ خان کے خلاف 4 اکتوبر احتجاج کے سلسلے میں اسلام آباد کے تھانہ کوہسار میں مقدمہ درج ہے۔
