عوام کو پٹرول کے بعد ایک اور جھٹکا ،ٹرانسپورٹ کرایوں میں ہوشربا اضافہ

لاہور( پاک ترک نیوز)پٹرولیم مصنوعات کے بعد عوام کو مہنگائی کا ایک اور جھٹکا ۔ٹرانسپورٹروں کا بھی کرائے بڑھانے کا اعلان کردیا ۔پبلک ٹرانسپورٹ اور گڈز ٹرانسپورٹ کے کرائے بیس سے پچیس فیصد تک بڑھا دیئے گئے۔
لاہور سے اسلام آباد اور راولپنڈی کا کرایہ 2ہزار 313 سے بڑھا کر 3338روپے کر دیا گیا،لاہور سے ملتان کا کرایہ سولہ سو پچاس سے دو ہزار تریسٹھ روپے ہو گیا۔
لاہور سے فیصل آباد کا کرایہ نو سو اسی روپے سے بڑھا کر تیرہ سو روپے کر دیا گیا ۔
صدر پاکستان گڈز ٹرانسپورٹ الائنس ملک شہزاد اعوان کا کہنا ہے گڈز ٹرانسپورٹ کے کرائے میں بیس فیصد اضافہ کیا گیا ہے ، ،، پیٹرولیم مصنوعات کی قیمتوں میں اضافے سے ٹرانسپورٹرز سمیت ہر پاکستانی متاثر ہوتا ہے،،وفاقی حکومت نے اپنی پالیسیوں پر نظر ثانی نہ کی تو پاکستان بھر کی ٹرانسپورٹ کھڑی کر دیں گے۔