پٹرول،ڈیزل کی قیمتوں میں ہوشربا اضافہ

اسلام آباد ( پاک ترک نیوز) مہنگائی کے مارے عوام پر پٹرول بم گرا دیا گیا۔
پٹرول اور ڈیزل کی قیمتوں میں 55روپے فی لٹر کا اضافہ،، پٹرول کی نئی قیمت 321روپے 17پیسے فی لٹر ہوگئی،، ڈیزل کی قیمت 335روپے 86پیسے تک جاپہنچی۔
وزیر پیٹرولیم علی پرویز ملک نے نیوز کانفرنس میں کہا پیٹرولیم مصنوعات کی قیمتوں میں اضافے کا فیصلہ مجبوری میں کیا۔ جن لوگوں نے پیٹرول کی فروخت روک کر منافع خوری کی ان کے خلاف کارروائی ہوگی۔ جیسے ہی معاملات بہتر ہوں گے اسی پھرتی کے ساتھ قیمتیں کم کریں گے، ہفتہ وار قیمتوں کا جائزہ لیں گے۔
وزیر خزانہ محمد اورنگزیب کا کہنا ہے عالمی سطح پر بھی پیٹرولیم مصنوعات کی قیمتوں میں خطیر اضافہ ہورہا ہے۔ ہمارے پاس پیٹرولیم مصنوعات کے ذخائر کی بھی اچھی تعداد ہے اگر یہ سلسلہ زیادہ چلا تو صورت حال تبدیل ہوسکتی ہے۔
نائب وزیراعظم اسحاق ڈار نے کہا مشرق وسطی میں جنگ کے دنیا بھر میں پٹرولیم مصنوعات کی قیمتوں میں پچاس فیصد تک اضافہ ہو چکا ہے۔۔ قیمتوں میں ہر روز خطیر اضافہ ہو رہا ہے ۔۔ وزیراعظم اس متعلق بہت فکر مند ہیں۔۔اسحاق ڈار نے مزید کہا خطے میں جنگ کی صورتحال ہے ، پاکستان کا ایک ہفتے سے دیگر ممالک سے رابطہ ہے،، ہماری کوشش ہے ساتھیوں کو ساتھ ملا کر جنگ کی صورتحال پر قابو پایا جائے۔۔وزیراعظم اور فیلڈ مارشل بھی دوسرے ممالک سے اپنے ہم منصبوں سے رابطے میں ہیں