پاکستان میں ایک سال میں ایڈز کے14ہزار 182کیس رپورٹ

اسلام آباد ( پاک ترک نیوز) پاکستان میں 2025 کے دوران ایڈز کے چودہ ہزار ایک سو بیاسی کیسز رپورٹ ہوئے۔
نئے ایچ آئی وی کیسز کی ماہانہ اوسط 1,182 رہی،مارچ 2025 میں کم ترین ایک ہزار سولہ اور جولائی میں زیادہ سے زیادہ ایک ہزار چار سو تینتالیس کیسز رپورٹ ہوئے۔
وزارت صحت کی رپورٹ کے مطابق نئے کیسز میں آٹھ ہزار 386مرد اور تین ہزار 314 خواتین کے کیسز رپورٹ ہوئے ،بچوں کے ایک ہزار 748 اورخواجہ سراؤں کے 734کیس سامنے آئے،پنجاب میں سات ہزار 920،سندھ میں 3ہزار 859،خیبرپختونخوا میں ایک ہزار 383 ،اسلام آباد میں 498اور بلوچستان میں 472کیسز رپورٹ ہوئے۔