راولپنڈی ( پاک ترک نیوز) پاکستان اورسری لنکا کے درمیان جاری پہلے ٹیسٹ میچ کی پہلی اننگز میں پاکستان کی دوسرے روز پراعتماد بیٹنگ جاری ہے ۔
تفصیلات کے مطابق راولپنڈی میں کھیل جا رہے پہلے ٹیسٹ میچ میں پاکستان نے پانچ وکٹوں کے نقصان پر 334رنز بنا لئے ہیں ۔سعود شکیل 79جبکہ غازی غور ی 38رنز بنا کریز پر موجود ہیں ۔
اس سےقبل گزشتہ روز کا پہلا روز خراب روشنی کے باعث جلد ختم ہوگیاتھا، پاکستان نے سری لنکا کے خلاف پانچ وکٹوں کے نقصان پر 281 رنز بنائے تھے ۔
اوپنر طیب عارف اور محمد طحہٰ دونوں نے ڈیبیو میں نصف سنچریاں بنائیں جبکہ کپتان بابر اعظم اور سعود شکیل نے بھی نصف سنچری اسکور کیں۔
پاکستان کی پہلی وکٹ 86 رنز، دوسری وکٹ 90 رنز، تیسری وکٹ 159رنز، چوتھی وکٹ 227 رنز اور پانچویں وکٹ 253 رنز کے مجموعی اسکور پر گری۔
یہ بھی پڑھیں: ایف سی بلوچستان کی ٹی ٹوئنٹی گرینڈ بلوچستان لیگ اختتام پذیر، کوئٹہ بیئرز نے ٹرافی جیت لی
اوپنر اذان اویس 30 رنز بنا کر ملن رتنائیکے کی گیند پر وکٹ کیپر کوشال مینڈس کے ہاتھوں کیچ ہوگئے جبکہ دوسرے اوپنر محمد طیب عارف 57 رنز بنا کر اسیتھا فرنینڈو کی گیند پر وکٹ کیپر کوشال مینڈس کے ہاتھوں کیچ ہوگئے۔
کپتان بابر اعظم 50 رنز بنا کر دلشان مدوشانکا کی گیند پر وکٹ کیپر کوشال مینڈس کے ہاتھوں کیچ ہوگئے۔ محمد طحہٰ 51 رنز اور سلمان علی آغا 16 رنز پر آؤٹ ہوئے۔
