تہران (پاک ترک نیوز )ایران کے پاسدارانِ انقلاب نے ملک کے مغربی سرحدی علاقے میں کارروائی کرتے ہوئے امریکی اسلحے کی ایک بڑی کھیپ قبضے میں لینے کا دعویٰ کیا ہے۔
رپورٹ کے مطابق یہ اسلحہ عراقی کردستان سے ایران کے صوبے کردستان کے شہر بانہ منتقل کیا جا رہا تھا جہاں ایرانی فورسز نے خفیہ معلومات کی بنیاد پر کارروائی کی۔
پاسداران انقلاب کے حمزہ سید الشہداء ہیڈکوارٹر کے مطابق شمالی عراق میں موجود مبینہ طور پر امریکا اور اسرائیل کے لیے کام کرنے والے مسلح گروہ ایران میں جدید امریکی اسلحہ اور گولہ بارود منتقل کرنے کی کوشش کر رہے تھے۔
