بیروت (پاک ترک نیوز )اسرائیلی فوج نے جنوبی لبنان میں واقع اہم اور اسرائیلی فوج نے جنوبی لبنان میں واقع اہم اور اسٹریٹجک مقام بیوفورٹ قلعہ پر قبضہ کر لیا ہے۔ اسرائیلی وزیرِاعظم بنجمن نیتن یاہو نے اس پیش رفت کو حزب اللہ کے خلاف جاری فوجی کارروائی میں "فیصلہ کن تبدیلی” قرار دیا ہے۔
یہ پیش رفت ایسے وقت میں سامنے آئی ہے جب اسرائیلی زمینی فوجی دستے دریائے لیتانی کی سابقہ حد بندی سے آگے بڑھتے ہوئے لبنانی علاقے کے مزید اندر داخل ہو رہے ہیں۔
برطانیہ، فرانس اور جرمنی نے اسرائیل کی حالیہ عسکری شدت پر تنقید کی ہے، جبکہ اسرائیلی دفاعی افواج (آئی ڈی ایف) نے جنوبی لبنان کے مزید وسیع علاقوں کے رہائشیوں کو انخلا کی نئی وارننگ جاری کر دی ہے۔
تازہ انخلا وارننگ گزشتہ چند دنوں میں دوسری بار جاری کی گئی ہے، جس میں اسرائیل نے دریائے زہرانی کے جنوب میں واقع پورے علاقے کے مکینوں کو علاقہ چھوڑنے کی ہدایت کی ہے۔
آئی ڈی ایف کے ترجمان کا کہنا ہے کہ "جو بھی شخص حزب اللہ کے عناصر، تنصیبات یا جنگی وسائل کے قریب موجود ہوگا، وہ اپنی جان کو خطرے میں ڈالے گا
ترجمان کے مطابق اس کارروائی میں اسرائیلی زمینی فوج کے بڑی تعداد میں اہلکار حصہ لے رہے ہیں اور آپریشن کو مزید علاقوں تک وسعت دی جا رہی ہے۔ ۔ اسرائیلی وزیرِاعظم بنجمن نیتن یاہو نے اس پیش رفت کو حزب اللہ کے خلاف جاری فوجی کارروائی میں فیصلہ کن تبدیلی قرار دیا ہے۔
