فیلڈ مارشل سید عاصم منیر کا دورہ سعودی عرب ،وزیر دفاع شہزادہ خالد بن سلمان سے ملاقات

ریاض(پاک ترک نیوز) فیلڈ مارشل سید عاصم منیر کادورہ سعودی عرب ،،سعودی وزیر دفاع شہزادہ خالد بن سلمان سے ملاقات کی۔
ملاقات میں خطے کی سکیورٹی صورتحال پر تبادلہ خیال کیا گیا ، ایرانی ڈرون اور میزائل حملوں سے پیدا ہونے والی صورتحال پر گفتگو کی گئی ، دونوں رہنماؤں نے باہمی دفاعی تعاون کو مزید مضبوط بنانے پر زور دیا،،اسٹریٹیجک میوچل ڈیفنس معاہدے کے تحت مشترکہ اقدامات پر بات چیت کی گئی ،ملاقات میں اس بات پر اتفاق کیا گیا کہ بلااشتعال جارحیت علاقائی امن و استحکام کیلئے خطرہ ہے، دونوں رہنماؤں نے پرامن حل کیلئے سفارتی کوششوں کو تقویت دینے کی ضرورت پر زور دیا ۔
بحران کے پرامن حل کیلئے دوست ممالک کی کوششوں کی حمایت پر اتفاق کیا گیا ،دونوں رہنماؤں نے کہا امید ہے ایران دانشمندی کا مظاہرہ کرے گا اور غلط اندازوں سے گریز کرے گا۔