معرکہ حق ،وزیراعلیٰ مریم نواز کا وزیراعظم ،فیلڈ مارشل کو خراج تحسین ،ہیروز کو سلام عقیدت

لاہور( پاک ترک نیوز) وزیراعلیٰ پنجاب مریم نواز نے معرکہ حق کا سال مکمل ہونے پر اظہارِ تشکر کرتے ہوئے ہیروز کو سلام عقیدت پیش کیا ہے ، وزیراعلیٰ نے وزیر اعظم شہباز شریف ،فیلڈ مارشل عاصم منیر, ائیر مارشل بابر ظہیر ایڈمرل نوید اشرف کو خراج تحسین پیش کیا ہے۔
وزیراعلیٰ پنجاب مریم نواز نے کہاآٹھ ۔۔۔۔۔صفر کا معرکہ حق دشمن کبھی فراموش نہیں کر پائے گا ۔ اکستان کی فتح اور بھارت کی شکست کی گواہی دنیا نے دی اور دی جاتی رہے گی ۔ معرکہ حق نے دشمن پر پاکستان کی ہیبت کا نشان ثبت کر دیا ۔معرکہ حق نے ثابت کردیا ہم امن پسند ہیں مگر وقت آئے تو بنیان مرصوص بھی ہیں ۔
مریم نواز نے کہا معرکہ حق تاریخ عالم میں پاکستان کی عظمت کا باب بن چکا ہے ۔معرکہ حق میں دنیا نے دیکھا پوری قوم متحد اور یکسو ہوکر دشمن کے سامنے بنیان مرصوص بن گئی۔ پاک افواج اور پاکستانی عوام کے اتحاد نے د شمن کو سر جھکانے پر مجبور کردیا ۔ بے باک قیادت نے معرکہ حق میں تاریخی فتح کی بنیاد رکھی ۔
مریم نواز نے کہا آج دنیا بھر میں ہر محب وطن پاکستانی معرکہ حق کی کامیابی پر خوشی منا رہا ہے ۔ پنجاب میں ہر شہر ہر گاؤں ہر گلی کوچے میں معرکہ حق کی خوشیاں منائی جارہی ہیں ۔ طلبہ ۔ اساتذہ ، تاجر ،وکلا، سیاست دان ، کسان سمیت پوری قوم معرکہ حق کی کامیابی کا جشن منا رہی ہے ۔پاکستان کے شاہینوں نے پیشہ ورانہ حربی مہارت کے ذریعے دشمن سے اپنی برتری کا لوہا منوایا۔