راولپنڈی ( پاک ترک نیوز) لبنان کی مسلح افواج کے سربراہ نے جی ایچ کیو راولپنڈی کا دورہ کیا، معزز مہمان کو گارڈ آف آنر پیش کیا گیا، لبنانی فوج کے سربراہ کی فیلڈ مارشل عاصم منیر سے ملاقات ہوئی، باہمی دلچسپی، علاقائی سکیورٹی، دفاعی تعاون پر تبادلہ خیال کیا گیا۔
آئی ایس پی آر کے مطابق پاکستان اور لبنان کے درمیان دفاعی تعاون بڑھانے کے امکانات پر گفتگو ہوئی، دونوں ممالک کی افواج کے درمیان پیشہ ورانہ روابط مضبوط بنانے پر اتفاق ہوا، فیلڈ مارشل نے لبنان سے دیرینہ دوستانہ تعلقات کی اہمیت اجاگر کی۔
لبنانی آرمی چیف نے افواج پاکستان کی پیشہ ورانہ صلاحیتوں کو سراہا، علاقائی امن و استحکام میں پاک فوج کے کردار کی تعریف کی، پاکستان اور لبنان کی افواج کے درمیان فوجی تعاون مزید مضبوط بنانے کے عزم کا اظہار کیا گیا
لبنانی آرمی چیف کا دورہ دونوں ممالک کے دفاعی تعلقات میں اہم پیشرفت قرار دیا جا رہا ہے، یہ دورہ پاکستان اور لبنان کے درمیان دفاعی شراکت داری کے فروغ کا عکاس ہے
