لاہور( پاک ترک نیوز) آئی سی سی ٹی ٹونٹی ورلڈ کپ کے پہلے سیمی فائنل میں نیوزی لینڈ اورسائوتھ افریقہ کا آج جوڑ پڑے گا ۔انگلینڈ اور انڈیا کی ٹیمیں دوسرے سیمی فائنل کیلئے کل جمعرات 05مارچ کو مد مقابل آئیں گی ۔
سائوتھ افریقہ نے گروپ ون سپر ایٹ مرحلے میں تین میچز کھیل کر 6پوائنٹس کے ساتھ پہلی پوزیشن حاصل کی تھی جبکہ انڈیا نے دو میچز میں کامیابی سمیٹ کر سیمی فائنل میں جگہ پکی کی تھی ۔دوسری جانب انگلینڈ نے گروپ بی سپر ایٹ میں اپنے تمام تینوں میچز جیت کر سیمی فائنل کا ٹکٹ کٹوایا تھا جبکہ نیوزی لینڈ نے سپر ایٹ میں ایک کامیابی حاصل کی تھی جبکہ اسے انگلینڈ کے ہاتھوں شکست کا سامنا کرنا پڑا تھا ۔
پاکستان کو سیمی فائنل میں رسائی کیلئے اپنے آخری میچ میں سری لنکا کیخلاف بڑے مارجن سے جیت درکار تھی تاہم پاکستان میچ جیت گیا لیکن سیمی فائنل کیلئے کوالیفائی نہ کر سکا تھا ۔میگا ایونٹ کا فائنل معرکہ اتوار8مارچ کو کھیلا جائے گا ۔
