دبئی ( پاک ترک نیوز) آئی سی سی کی تازہ ویمنز ٹی ٹوئنٹی رینکنگ میں آسٹریلیا کی بیتھ مونی بیٹرز کی فہرست میں پہلی پوزیشن پر برقرار ہیں۔ دستیاب تازہ اپ ڈیٹ کے مطابق مونی نے ورلڈ کپ میں شاندار کارکردگی کے بعد نمبر ون پوزیشن دوبارہ حاصل کی تھی۔ ٹاپ ٹین بیٹرز کی رینکنگ میں کوئی تبدیلی نہیں ہوئی، جبکہ سری لنکا کی امیشا دولانی چار درجے بہتری کے بعد 18ویں نمبر پر پہنچ گئی ہیں۔
یہ بھی پڑھیں: پاکستان کرکٹ میں بھونچال،مصباح الحق سلیکشن کمیٹی سے مستعفی ،7کرکٹرز بھی اسکواڈ سے آؤٹ
بولرز کی رینکنگ میں بھارت کی سری چرنی نے پہلی پوزیشن برقرار رکھی ہے۔پاکستان کی نشرہ سندھو ایک درجہ بہتری کے بعد ساتویں نمبر پر پہنچ گئی ہیں۔ویسٹ انڈیز کی ایفی فلیچر دو درجے بہتری کے بعد 17ویں نمبر پر آگئی ہیں، جبکہ بنگلہ دیش کی ربیعہ خان تین درجے تنزلی کے بعد 20ویں نمبر پر چلی گئی ہیں۔
ویمنز ٹی ٹوئنٹی آل راؤنڈرز کی رینکنگ میں ویسٹ انڈیز کی ہیلی میتھیوز کی پہلی پوزیشن برقرار ہے۔
