اسلام آباد (پاک ترک نیوز )سینیٹ میں خیبر پختونخوا میں ایمرجنسی کے نفاذ کی قرارداد پیش کردی گئی، اپوزیشن نے احتجاج کرتے ہوئے قرارداد کی مخالفت کی۔
چیئرمین یوسف رضا گیلانی کی زیر صدارت سینیٹ اجلاس میں وفاقی وزیر برائے پارلیمانی امور طارق فضل چوہدری نے خیبر پختونخوا میں ایمرجنسی نفاذ منظوری کی قرارداد پیش کی۔
وزیر قانون اعظم نذیر تارڑ نے کہا کہ اگر اپوزیشن کہتی ہے کہ بغیر بحث کے قرارداد پر ووٹ کروادیں تو میں کروا دیتا ہوں، کل بھی اس معاملے پر سینیٹ میں بات ہوئی۔
اعظم نذیر تارڑ نے کہا کہ ہم ایمرجنسی پر بحث جاری رکھیں گے، یہ آئینی ضرورت ہے، ہم نے ایمرجنسی نفاذ قرارداد کی کاپی ممبران کے ٹیبل پر رکھ دی ہے۔
