انطالیہ (پاک ترک نیوز )وزیراعظم شہبازشریف نے ترکیہ کے صدر رجب طیب اردوان اور امیر قطر شیخ تمیم بن حمد الثانی سے ملاقات کی ،تینوں رہنماؤں نے حالیہ مشرق وسطیٰ تنازعے کے تناظر میں سفارتی کوششوں پر تبادلہ خیال کیا،ملاقات میں غزہ اور فلسطین میں تشویشناک صورتحال کا بھی جائزہ لیا گیا،تینوں رہنماؤں کا علاقائی امن اور استحکام کے لئے سفارتی محاذ پر مل کرنے کام کرنے پر اتفاق کیا گیا،وزیراعظم ہاؤس کے اعلامیہ کے مطابق ترک صدر نے وزیراعظم پاکستان کو خوش آمدید کہا، ترک صدر نے وزیراعظم شہباز شریف کی قیام امن کی کوششوں کی تعریف کی،رجب طیب اردواننے کہا ترکیہ پاکستان کے سفارتی اقدامات کی مکمل حمایت کرتا ہے، وزیراعظم نے سفارتکاری فورم میں مدعو کرنے پر ترک صدر کا شکریہ ادا کیا،وزیراعظم نے انطالیہ میں اپنے قیام کے دوران روایتی ترک مہمان نوازی پر صدر اردوان کا شکریہ ادا کیا، ،وزیراعظم شہبازشریف نے کہا سفارتکاری فورم ایک کامیاب عالمی تقریب میں تبدیل ہو چکا ہے، وزیراعظم نے پاکستان کی سفارتی کوششوں کے لیے ترکیہ کی مضبوط حمایت پر صدر اردوان کا شکریہ ادا کیا۔وزیراعظم نے ایران اور امریکہ کے درمیان جنگ بندی میں توسیع اور قیام امن کے لئے پاکستان کی کوششوں پر صدر اردوان کو آگاہ کیا،وزیراعظم شہبازشریف اور رجب طیب اردوان نے جاری منصوبوں پر عملدرآمد تیز کرنے اور اقتصادی تعاون کو مزید فروغ دینے کے لیے نئی راہیں تلاش کرنے کی اہمیت پر زور دیا
وزیراعظم کی ترکیہ کے صدر اور امیر قطر سے ملاقات
